Pezəşkian: İran uranın zənginləşdirilməsini davam etdirəcək
İran nüvə silahı əldə etməyə çalışmır, lakin beynəlxalq hüquq normalarına uyğun olaraq uranın zənginləşdirilməsini davam etdirəcək.
Bu barədə İran İslam Respublikasının prezidenti Məsud Pezəşkian "Al Jazeera" telekanalına müsahibəsində bildirib.
"Biz nüvə silahına sahib olmağı tamamilə rədd edirik - bu bizim siyasi, dini, humanitar və strateji mövqeyimizdir", - o xatırladıb.
Prezident vurğulayıb ki, İran "gələcəkdə beynəlxalq hüquq çərçivəsində öz ərazisində uranın zənginləşdirilməsini davam etdirəcək".
