Makron: “İstəkli ölkələr koalisiyası” Ukrayna səmasında patrul xidməti aparmaq niyyətindədir
“İstəkli ölkələrdən” ibarət koalisiya Ukraynada münaqişə başa çatdıqdan sonra ölkənin hava və dəniz məkanında patrul xidmətinə başlamağı planlaşdırır.
Bu barədə Fransa Prezidenti Emmanuel Makron Britaniyanın Baş naziri Kir Starmerlə birgə mətbuat konfransı zamanı bildirib.
“Hazırda aparılan bütün işlərin məqsədi 30 tərəfdaş ölkədən ibarət koalisiyanı təşkil edib, hava və dəniz məkanında patrul missiyalarını həyata keçirməkdir”, – deyə Makron bildirib.
