Merts: Putin sülh yolu ilə nizamlanmada maraqlı deyil, uzunmüddətli müharibəyə hazırlaşmaq lazımdır

Rusiya Vatikanın Ukrayna ilə danışıqlarda vasitəçilik təşəbbüsünü, eləcə də ABŞ və Avropanın atəşkəslə bağlı çağırışlarını rədd edib. Bu isə onu göstərir ki, Rusiya lideri Vladimir Putin sülh yolu ilə nizamlanmada maraqlı deyil və buna görə də daha uzunmüddətli müharibəyə hazırlaşmaq lazımdır.

Sorğu.tv  "Sky News"a istinadən xəbər verir ki, bunu Almaniyanın kansleri Fridrix Merts Finlandiyanın Baş naziri Petteri Orpo ilə keçirdiyi birgə mətbuat konfransında bildirib.

“Müharibələr adətən tərəflərdən birinin və ya hər ikisinin iqtisadi və ya hərbi cəhətdən tükənməsi ilə bitir. Bu müharibədə isə biz hələ bu mərhələdən uzağıq", - kansler qeyd edib.